நீலகிரி மாவட்டம் உதகை அருகே சின்னக்குன்னூர் பகுதியில் உள்ள பெம்பட்டியில் இரவில் விவசாய நிலத்திற்குள் புகுந்த காட்டு யானை மின்சாரம் தாக்கி இறந்தது. இறந்த யானையை இரவோடு இரவாக தீயிட்டு எரிக்க முயன்றதுடன் மண்ணை கொண்டு மூடிய மூன்று பேரை வனத்துறையினர் கைது செய்து சிறையில் அடைத்தனர்.
இதனையடுத்து, புதைக்கபட்ட யானையின் உடலை மீட்டு உடற்கூறாய்வு செய்யபட்டது. இந்நிலையில், அப்பகுதி வனத்துறை ஊழியர்கள் மீது தற்போது துறை ரீதியான நடவடிக்கை எடுக்கபட்டுள்ளது. வனகாப்பாளராக பணியாற்றி வந்த மகேந்திரபாண்டியன் பணியிடை நீக்கம் செய்யபட்டுள்ளார். வனவர் ஜாவித் பணியிட மாற்றம் செய்யபட்டார்.