நீலகிரி:ஜெகதளா பேரூராட்சியில் ஊழல் நடைபெறுவதாகவும், தலைவரின் சகோதரர் பினாமி தலைவராக செயல்படுவதாகவும் கூறி திமுக கவுன்சிலர்கள் 4 பேர் கண்களில் கருப்பு துணி கட்டிக்கொண்டு பேரூராட்சி கூட்டத்தில் கலந்துகொண்டனர்.
குன்னூர் அருகே உள்ள ஜெகதளா பேரூராட்சியின் மாதாந்திரக் கூட்டம் திமுகவைச் சேர்ந்த பேரூராட்சி தலைவர் பங்கஜம் தலைமையில் நேற்று (செப்.28) நடைபெற்றது. இந்த கூட்டத்தில் மொத்தமுள்ள 15 உறுப்பினர்களில் திமுகவைச் சேர்ந்த 9 கவுன்சிலர்களும், காங்கிரஸை சேர்ந்த 2 கவுன்சிலர்களும், அதிமுகவைச் சேர்ந்த 4 கவுன்சிலர்களும் கலந்து கொண்டனர்.
திமுக தலைவரை கண்டித்து நூதன போரட்டத்தில் ஈடுபட்ட திமுக கவுன்சிலர்கள்