தமிழ்நாட்டில் நாளுக்கு நாள் கரோனா நோய் தொற்று அதிகமாகி வருகிறது. இந்நிலையில் தற்போது இந்த நோய் தொற்று சமூக தொற்றாக மாறி வருகிறது. இதனை கட்டுபடுத்த மத்திய, மாநில அரசுகளால் ஊரடங்கு உத்தரவு பிறப்பிக்கபட்டுள்ளன. மக்கள் தங்களின் அத்தியாவசிய பொருள்களை மட்டும் வாங்க அனுமதிக்கபட்டு வருகின்றனர்.
வருவாய்த் துறை போட்ட பூட்டுகள்
இந்நிலையில் நீலகிரி மாவட்டத்தில் செயல்பட்டு வந்த உழவர் சந்தை, நகராட்சி சந்தை போன்ற இடங்களில் சமூக இடைவெளி பேணும் பொருட்டு, மக்கள் கூட்ட நெரிசலை கட்டுபடுத்த தற்காலிகமாக மூடப்பட்டன. இந்நிலையில் மக்களின் தேவைக்கு ஏற்ப காந்தி மைதானம், பேருந்து நிலையம் ஆகிய இடங்களில் சந்தைகள் செயல்படத்தொடங்கியுள்ளன. இருப்பினும் நேற்று ஞாயிற்றுக்கிழமை என்பாதாலும் நேற்று முதல் பகல் 2:30 மணி வரைதான் சந்தை என்பதாலும் அனைத்து இடங்களிலும் கூட்டம் அதிகமாக காணப்பட்டது.