ஊட்டியில் மழை: மலை ரயில் போக்குவரத்து பாதிப்பு!

நீலகிாி:  குன்னூர் ஊட்டி மலை ரயில் தண்டவாளத்தில் மரங்கள் விழுந்து ரயில் போக்குவரத்து பாதிக்கப்பட்டது.

நீலகிாி மாவட்டம் குன்னூர் சுற்றுவட்டாரப் பகுதிகளில் நேற்றிரவு முதல் சாரல் மழை பெய்துகொண்டிருந்தது. இந்நிலையில் குன்னூர் ஊட்டி மலை ரயில் பாதையில் வெலிங்டன் அருகே தண்டவாளத்தில் மரங்கள் விழுந்துள்ளன.

இதனால் ஊட்டியிலிருந்து குன்னூர் நோக்கிச் சென்ற ரயிலும் குன்னூரிலிருந்து ஊட்டி நோக்கி வந்த ரயிலும் இருபுறங்களிலும் நிறுத்தப்பட்டன.

இதனையடுத்து சம்பவ இடத்திற்கு விரைந்துவந்த ரயில்வே ஊழியர்கள் மரங்களை அறுத்து அப்புறப்படுத்தினர். சுமாா் 45 நிமிடங்களுக்கு பிறகு, ஊட்டி குன்னூருக்கு செல்லும் ரயில்கள் புறப்பட்டுச் சென்றன.