உதகையில் சுற்றுலா வாகனம் விபத்து - 20 பேர் காயம்

கன்னியாகுமரியில் இருந்து உதகைக்கு சுற்றுலா சென்றவர்களின் வாகனம் கவிழ்ந்த விபத்தில் 20 பேர் காயமடைந்தனர்.

நீலகிரி:கன்னியாகுமரியில் இருந்து உதகைக்கு கடந்த இரு தினங்களுக்கு முன்பு டெம்போ ட்ரேவலர் வேனில் 23 பேர் உதகைக்கு சுற்றுலா சென்றனர். வாகனத்தை சாஜூகுமார் என்பவர் ஓட்டி வந்தார். உதகையில் சுற்றிப்பார்த்துவிட்டு நேற்று (மார்ச் 08) சொந்த ஊர் திரும்பிக் கொண்டிருந்தனர்.

பர்லியார் - கேஎன்ஆர் நகர் இடையே சென்று கொண்டிருந்தபோது வாகனம் நிலைதடுமாறி மரத்தின் மீது மோதி, தலை கீழாக கவிழ்ந்தது. இந்த கோர விபத்தில் 16 பேர் காயமடைந்த நிலையில், 4 பேர் படுகாயமடைந்தனர்.

இது குறித்து தகவறிந்து சம்பவ இடத்திற்கு சென்ற தீயணைப்பு வீரர்கள்,மற்றும் காவல் துறையினர் விபத்தில் காயமடைந்தவர்களை மீட்டு மேட்டுப்பாளையம் அரசு மருத்துவமனைக்கு அனுப்பி வைத்தனர். இதுகுறித்து வழக்குப்பதிவு செய்த காவல் துறையினர், விசாரணை மேற் கொண்டு வருகின்றனர்.

இதையும் படிங்க:வசமாய் மாட்டிய சரித்திரப்பதிவேடு குற்றவாளி; சேஸ் செய்துபிடித்த போலீஸ்