தஞ்சாவூர் மாவட்டம் அக்கரைவட்டம் கிராமத்தைச் சேர்ந்தவர் அழகர். இவர் நேற்று மாலை தனது இரண்டு சக்கர வாகனத்தில் சென்றக்கொண்டிருந்தபோது வழிமறித்த சிலர், அழகர் கழுத்தில் அணிந்திருந்த ஒரு பவுன் தங்கச் சங்கிலி மற்றும் ஏழாயிரம் ரூபாய் ரொக்கப் பணத்தையும் பறித்துக் கொண்டதோடு, அவரை இரும்புக் கம்பியால் தாக்கிவிட்டு தப்பி சென்றனர்.
வாலிபரை வழிமறித்து செயின் பறிப்பு! - ஒரத்தநாடு காவல்துறை
தஞ்சாவூர்: பட்டுக்கோட்டை அருகே வாலிபரை வழிமறித்து தாக்கி செயின் பறிப்பில் ஈடுபட்டவர்கள் மீது காவல் துறையினர் எவ்வித நடவடிக்கையும் எடுக்காமல் காலம் தாழ்த்துவதாக பாதிக்கப்பட்டவரின் குடும்பத்தினர் குற்றஞ்சாட்டியுள்ளனர்.
தாக்கப்பட்ட இளைஞர்
இதில் நிகழ்விடத்திலேயே மயங்கி விழுந்த அழகரை அருகிலிருந்தவர்கள் மீட்டு பட்டுக்கோட்டை அரசு மருத்துவமனையில் சேர்த்தனர். இதுகுறித்து ஒரத்தநாடு காவல்துறைக்கு தகவல் தெரிவித்தும் இதுவரைக்கும் எந்த நடவடிக்கையும் எடுக்கப்படவில்லை என பாதிக்கப்பட்ட நபர் குற்றஞ்சாட்டியுள்ளார். கொள்ளை மற்றும் தாக்குதல் சம்பவத்தில் ஈடுபட்டவர்களை காவல் துறை உடனடியாக கைது செய்யவேண்டுமென அழகரின் குடும்பத்தினர் கோரிக்கை விடுத்துள்ளனர்.
இதையும் படிங்க: புனேவில் வேதியியல் தொழிற்சாலையில் பயங்கர தீ விபத்து