தஞ்சாவூர் மாவட்டம் நல்லிச்சேரி காளியம்மன் கோவில் தெருவைச் சேர்ந்த கூலித் தொழிலாளியான செல்வேந்திரன் மகள் நந்தகுமாரி. இவர் பாபநாசம், அய்யம்பேட்டையில் செயல்பட்டுவரும் அரசு மேல்நிலைப்பள்ளியில் 11 ஆம் வகுப்பு படித்து வருகிறார்.
வழக்கம்போல் இன்று பள்ளிக்குச் சென்ற மாணவியை, அப்பள்ளி ஆசிரியை ஹாலிஸ் என்பவர் வகுப்பறையில் சக மாணவிகள் முன்பு திட்டி, அடித்ததாகக் கூறப்படுகிறது. இதனால் மனமுடைந்த நந்தகுமாரி பூச்சி மருந்தை அருந்தி தற்கொலைக்கு முயன்றுள்ளார்.