வட அமெரிக்காவில் இயங்கி வரும் தமிழ்ப்பள்ளிகளின் ஆசிரியர்களுக்காக, தஞ்சை தமிழ்ப் பல்கலைக்கழகத்தின் கீழ் இயங்கி வரும் தமிழ் வளர் மையம் இணையவழிப் புத்தொளிப்பயிற்சி ஒன்றைத் தொடங்கியுள்ளது .
அமெரிக்காவிலுள்ள தமிழ்ப் பள்ளிகளைச் சேர்ந்த ஏறத்தாழ 208 தமிழாசிரியர்களுக்கு, " மாறிவரும் உலகச்சூழலில் தமிழ்மொழிக் கற்றல் - கற்பித்தலும் , புதிய உத்திகளும் " என்னும் தலைப்பில் ஏறத்தாழ இரண்டு மாதகாலப் பயிற்சி இதன்மூலம் வழங்கப்படவுள்ளது .
அயலகத்தில் வாழும் தமிழர்களுக்குத் தமிழைக் கற்பிப்பதற்காக தமிழ்நாடு அரசின் தமிழ் வளர்ச்சித்துறையால் தஞ்சை தமிழ்ப் பல்கலைக்கழகத்தில் ஏற்படுத்தப்பட்டிருக்கும் தமிழ் வளர் மையமும் , அமெரிக்காவின் எட்யுரைட் அறக்கட்டளையும் இணைந்து இந்த நிகழ்வினை ஒருங்கிணைத்துள்ளன .
இப்பயிற்சியினைத் தமிழ்ப் பல்கலைக்கழகத்தின் துணைவேந்தர் கோ.பாலசுப்ரமணியன் தலைமையேற்று இன்று (ஜூலை14) தொடங்கிவைத்தார்.
இதையும் படிங்க: கரோனா கேக், முகக்கவச பரோட்டா, கோவிட்-19 தோசை' - விழிப்புணர்வின் உச்சத்தில் உணவகங்கள்