அரசு மருத்துவமனையில் சிகிச்சைக்காக அனுமதிக்கப்பட்டவர் மரணம்: உறவினர்கள் போராட்டம்

தஞ்சாவூர்: மாவட்ட அரசு தலைமை மருத்துவமனையில் சிகிச்சைக்காக அனுமதிக்கப்பட்ட நபர் திடீரென இறந்ததால் அவரின் இறப்பில் சந்தேகம் இருப்பதாகக்கூறி அவருடைய உறவினர்கள் சாலை மறியலில் ஈடுபட்டனர்.

தஞ்சாவூர் மாவட்டம கும்பகோணத்தை அடுத்த பந்த நல்லூர் பகுதியைச் சேர்ந்தவர் வீரப்பன்(53). இவர் நேற்று காலை வீட்டில் இருந்த போது தலை சுற்றி மயக்கம் அடைந்துள்ளார். இதனால் அதிர்ச்சியடைந்த அவரது மனைவி அக்கம்பக்கத்தினரின் உதவியோடு திருப்பனந்தாள் அரசு மருத்துவமனைக்கு கொண்டுச் சென்றார்.

பின்னர் மேல்சிகிச்சைக்காக கும்பகோணம் அரசு மாவட்ட தலைமை மருத்துவமனையில் அனுமதிக்கப்பட்ட இவர் மதியம் ஒரு மணி அளவில் இறந்துவிட்டார். இந்நிலையில் வீரப்பனின் உடலை அவரது மனைவி, மகனிடம் சொல்லாமலே உடற்கூறு ஆய்வுக்கு அனுப்பி வைத்தனர்.

இதையடுத்து, வீரப்பன் தவறான சிகிச்சையால் தான் இறந்துவிட்டார் என்று அவருடைய உறவினர்களும் விடுதலை சிறுத்தை கட்சி நிர்வாகிகளும் இணைந்து சாலை மறியலில் ஈடுபட்டனர். மேலும் தவறான சிகிச்சை செய்த மருத்துவர்கள், செவிலியர்களை பணியிடை நீக்கம் செய்து கைது செய்ய வேண்டும் என்றும் பாதிக்கப்பட்ட குடும்பத்திற்கு தமிழ்நாடு அரசு உரிய நிவாரணம் வழங்க வேண்டும் எனவும் கோரிக்கை விடுத்துள்ளனர்.

இதையும் படியுங்க: