தஞ்சாவூர்:பட்டுக்கோட்டை நகராட்சியில் காந்தி பூங்கா அருகில் உள்ள கழிவு நீர் கால்வாயில், பிறந்து சில மணி நேரங்களே ஆன ஆண் சிசுவின் உடல் இறந்த நிலையில் கிடப்பதை அப்பகுதியில் தூய்மைப் பணி மேற்கொண்ட நகராட்சி தூய்மைப் பணியாளர்கள் பார்த்துள்ளனர். இதையடுத்து உடனடியாக நகராட்சி அதிகாரிகளுக்கு தகவல் கொடுத்தனர்.
இந்த தகவலையடுத்து பட்டுக்கோட்டை காவல் நிலையத்தில் நகராட்சி சார்பில் புகார் தெரிவிக்கப்பட்டது. அதன்பேரில் போலீசார் சம்பவ இடத்திற்கு விரைந்து வந்து இறந்த ஆண் சிசுவின் உடலை கைப்பற்றி பட்டுக்கோட்டை அரசு தலைமை மருத்துவமனைக்கு பிரேதப் பரிசோதனைக்காக எடுத்துச் சென்றனர்.