தஞ்சாவூர்: மாவட்டத்தின் பல்வேறு பகுதிகளில் கஞ்சா விற்பனை நடைபெற்று வருகிறது. இதனைக் கட்டுப்படுத்தி நடவடிக்கை எடுக்கக் கோரி காவல் கண்காணிப்பாளர் உத்தரவிட்டார்.
அதன்பேரில் ஒரத்தநாடு டிஎஸ்பி சுனில் மேற்பார்வையில் சிறப்பு தனிப் படையைச் சேர்ந்த உதவி ஆய்வாளர் பிரேசில் பிரேம் ஆனந்த் தலைமையில் காவல் துறையினர் ஒரத்தநாடு முழுவதும் தீவிர சோதனையில் ஈடுபட்டனர்.
அப்போது, சந்தேகத்திற்கு இடமான முறையில் நின்றிருந்த ஒரத்தநாடு கலைஞர் நகரைச் சேர்ந்த ஓய்வுபெற்ற முன்னாள் ராணுவ வீரர் குரு (40), யானைகார தெருவைச் சேர்ந்த கார்த்திகேயன் மகன் அமர்நாத் (19), அதே பகுதியைச் சேர்ந்த நவநீத கிருஷ்ணன் மகன் சதீஷ் (28), ஒரத்தநாடு சுண்ணாம்புக் காரை தெருவைச் சேர்ந்த மணிமாறன் மகன் பிரசாத் (18) ஆகியோரிடம் காவல் துறையினர் விசாரணை நடத்தினர்.