மாவட்ட சதுரங்கப் போட்டி: மாணவர்கள் ஆர்வம்

தஞ்சை: பட்டுக்கோட்டை அரசு ஆண்கள் மேல்நிலைப்பள்ளியில் நடைபெற்ற மாவட்ட அளவிலான சதுரங்கப் போட்டியில் ஏராளமான பள்ளி மாணவ - மாணவியர் ஆர்வத்துடன் பங்கேற்றனர்.

தஞ்சை மாவட்ட சதுரங்க கழகம், கோட்டை ரோட்டரி சங்கம் இணைந்து மாவட்ட அளவிலான சதுரங்க போட்டியை நடத்தின. பட்டுக்கோட்டை அரசு ஆண்கள் மேல்நிலைப்பள்ளியில் நடைபெற்ற இந்தப் போட்டியில் தஞ்சை மாவட்டத்தின் பல்வேறு பகுதிகளிலிருந்தும் 650-க்கும் மேற்பட்ட பள்ளி மாணவ மாணவியர் கலந்துகொண்டனர். பல்வேறு கட்டங்களாக நடத்தப்பட்டுவரும் இப்போட்டியானது காலை 9 மணி முதல் மாலை 5 மணி வரை நடைபெறுகிறது.

இது திங்கள், செவ்வாய் ஆகிய கிழமைகளிலும் நடைபெறும் என்று தெரிவிக்கப்பட்டுள்ளது. இதில் வெற்றி பெற்ற மாணவ மாணவிகளுக்கு பரிசு, கோப்பை, சான்று ஆகியவை வழங்கப்படவிருக்கின்றன. இந்தச் சதுரங்கப் போட்டி ஏழாவது ஆண்டாக தொடர்ந்து நடைபெறுகிறது என்பது குறிப்பிடத்தக்கது.