பட்டுக்கோட்டை தொகுதிக்குள்பட்ட அதிராம்பட்டினம் பேரூராட்சியில் அண்ணா பிறந்தநாள் பொதுக்கூட்டம் அமமுக சார்பில் நடைபெற்றது. இதில் கட்சியின் கொள்கைப் பரப்புச் செயலாளரும் நடிகையுமான சி.ஆர். சரஸ்வதி சிறப்பு அழைப்பாளராக கலந்துகொண்டார்.
அமமுக கட்சியின் கொள்கைப் பரப்புச் செயலாளரும் நடிகையுமான சி.ஆர். சரஸ்வதி
அப்போது பேசிய அவர், ”ஆர்கே நகரில் இஸ்லாமியர்கள் ஆதரவுடன் மாபெரும் வெற்றிபெற்று டிடிவி தினகரன் எம்எல்ஏ ஆனார். ஆனால் நடந்து முடிந்த மக்களவைத் தேர்தலில் மத்திய, மாநில அரசுகள், பலமான எதிர்க்கட்சி ஆகியவற்றை எதிர்கொண்டு தோல்வியுற்றோம். இந்தத் தோல்வி நிலையானதில்லை. ஜெயலலிதாவின் ஆசி எங்களுக்கு இருக்கின்றது. அதனால் மீண்டும் வருகின்ற தேர்தலில் மிகப்பெரிய வெற்றிபெறுவோம்” என்று தெரிவித்தார். இதில் மாநில அமைப்புச் செயலாளர் பண்ணவயல் பாஸ்கர் உள்ளிட்ட ஏராளமான நிர்வாகிகள் கலந்துகொண்டனர்.