தஞ்சை மாவட்டம் திருவையாறு அருகேவுள்ள மானாங்கோரை பகுதியைச் சேர்ந்தவர் முகுந்தன். இவர் வெளிநாட்டில் வேலை பார்த்து வருகிறார், இவரது மனைவி வரலட்சுமி. இந்த தம்பதியின் மகன் பிரகதீஷ், தஞ்சையில் உள்ள தனியார் பள்ளியில் நான்காம் வகுப்பு படித்து வருகிறார்.
கடந்த 7 ஆண்டுகளாக காவேரி ஆற்றில் தண்ணீர் வராததால், பெரும்பாலான பகுதிகளில் விவசாயம் பொய்த்துப் போன நிலையில், மனமுடைந்த முகுந்தன் வருமானத்திற்காக வெளிநாட்டிற்கு வேலைக்கு சென்றுள்ளார். கரோனா பரவலை தடுக்கும் விதமாக விமான சேவை பாதிக்கப்பட்டுள்ளதால், வெளிநாட்டிற்கு சென்ற முகுந்தன் தாயகம் திரும்ப முடியவில்லை.