பைக் ரேஸில் ஈடுபட்ட இளைஞர்கள் கைது

தென்காசியில் தொடர்ந்து பல நாள்களாக பைக் ரேஸில் ஈடுபட்டு வந்த இளைஞர்களை காவல் துறையினர் கைது செய்துள்ளனர்.

தென்காசிசுற்றுவட்டாரப் பகுதிகளில் இரவு மற்றும் பகல் நேரங்களில் பைக் ரேஸில் ஈடுபடும் இளைஞர்களால் பொது மக்கள் பெரும் அவதிபட்டு வருகின்றனர். இது குறித்து தென்காசி காவல் நிலையத்தில் புகார் அளித்த நிலையில் காவல் துறையினர் விசாரணை நடத்தி வந்தனர்.

இந்நிலையில், நேற்று காவல் துறையினருக்கு கிடைத்த ரகசிய தகவலின் படி சுந்தரபாண்டியபுரம் சாலையில் பைக் ரேஸில் ஈடுபட்ட தென்காசியை சேர்ந்த செய்யது சுலைமான் தாதாபீர் (21), சேக்மைதீன் (19), முகம்மது (21) ஆகிய மூன்று இளைஞர்களை காவல் துறையினர் கைது செய்தனர்.

தொடர்ந்து அவர்களது வாகனங்களை பறிமுதல் செய்த காவல் துறையினர், இளைஞர்கள் மீது வழக்குப்பதிவு செய்து விசாரணை நடத்தி வருகின்றனர்.

இதையும் படிங்க:பைக் சாகசம்: 4 நாள்களில் 18 பேர் கைது...! 21 வாகனம் பறிமுதல்...