தென்காசி மாவட்டம் ஆலங்குளம் அடுத்த கல்லூத்து கிராமத்தை சேர்ந்தவர் சங்கீதா (26). இவருக்கு ஏற்கனவே கண்ணன் (30) என்பவருடன் திருமணம் நடைபெற்ற நிலையில், இருவருக்கும் இடையே ஏற்பட்ட கருத்து வேறுபாடு காரணமாகக் கடந்த இரண்டு ஆண்டுகளாகப் பிரிந்து வாழ்ந்து வந்தனர்.
மறுமணம்
இதனையடுத்து சங்கீதாவுக்கு அவரது பெற்றோர் கல்லூத்து பகுதியில் வசிக்கும் பொன் ராஜ் (28) என்பவருடன் கடந்த 2 மாதத்திற்கு முன்பு திருமணம் செய்துவைத்தனர்.
இந்நிலையில், பொன்ராஜ் இன்று (ஜூலை 22) வேலைக்கு சென்றதை தெரிந்துகொண்ட கண்ணன், வீட்டில் தனியாக இருந்த சங்கீதாவை அரிவாளால் வெட்டி கொலை செய்து விட்டுத் தப்பியோடியுள்ளார்.