தென்காசிஅருகே குற்றாலத்தில் ஆண்டுதோறும் சுற்றுலாப்பயணிகளை மகிழ்விக்க அரசு சார்பில் சாரல் திருவிழா நடத்தப்படுவது வழக்கம். இந்த ஆண்டிற்கான சாரல் திருவிழா நேற்று தொடங்கியது. இன்று இரண்டாவது நாள் நிகழ்ச்சியாக தோட்டக்கலை மற்றும் மலைப்பயிர்கள் துறை சார்பில் ஐந்தருவியில் அமைந்துள்ள சுற்றுச்சூழல் பூங்காவில் மலர்க்கண்காட்சி, காய்கறி - பழம் கண்காட்சி மற்றும் வாசனை திரவிய கண்காட்சி ஆகியவை நடைபெற்றன.
கிராம்பு, சாதிக்காய், கசகசா, குறு மிளகு, ஏலக்காய், வெள்ளை குருமிளகு, சீரகம், சோம்பு, அன்னாசிப்பூ உள்ளிட்ட 17 வகையான பொருட்களைக்கொண்டு ஏழு அடி உயரம், 13 அடி நீளம், மூன்றரை அடி அகலம் கொண்ட டெல்லி செங்கோட்டை வடிவமைப்பு பிரமாண்டமாக காட்சிப்படுத்தப்பட்டது.