தென்காசி மாவட்டம், மேற்குத்தொடர்ச்சி மலைப்பகுதியை ஒட்டியுள்ள வடகரை, அச்சன்புதூர், செங்கோட்டை, கடையநல்லூர் உள்ளிட்டப் பகுதிகளில் விளைவிக்கப்படும் வாழைத்தார்களை குத்துக்கல்வலசை பகுதியில் உள்ள வாழைத்தார் சந்தைக்கு விவசாயிகள் விற்பனைக்காக கொண்டு வருவர்.
தற்போது இப்பகுதியில் பிசான சாகுபடி மேற்கொண்டு வரும் நிலையில் வெளிமாவட்டங்களான தேனி, மேட்டுப்பாளையம், நாகர்கோவில், மதுரை உள்ளிட்ட மாவட்டங்களில் இருந்து நூற்றுக்கணக்கான விவசாயிகள், இந்தச் சந்தைக்கு விற்பனைக்காக வாழைத்தார்களை கொண்டு வருகின்றனர்.
தொடர் மழையால் பாதித்த வாழைத்தார் விற்பனை
இன்னும் ஓரிரு தினங்களில் பொங்கல் பண்டிகை வரும் நிலையில் தென்காசி மாவட்டத்தில் பெய்து வரும் தொடர் மழையின் காரணமாக வாழை விற்பனை பாதிக்கப்பட்டுள்ளது.