தென்காசி மாவட்டம் பாவூர்சத்திரம் அருகே உள்ள ஆவூடையானூர் சிதம்பர நாடார் தெருவில் அருணாச்சலம் (88) ஜாய் சொர்ண தேவி (83) தம்பதியினர் வசித்து வருகின்றனர். ஓய்வு பெற்ற ஆசிரியை தம்பதிகளான இவர்களுக்கு, இரண்டு மகள்கள் மற்றும் ஒரு மகன் உள்ளனர். இந்நிலையில் நேற்று (ஜூன் 30) இரவு தம்பதிகள் இருவரையும், முகமூடிகள் அணிந்து வந்த மர்ம கும்பல் கட்டி போட்டுள்ளது.
பின்னர் அந்த கும்பல், அவர்கள் வைத்திருந்த 140 சவரன் தங்க நகைகள் மற்றும் ரூ.10 லட்சம் ரொக்கப் பணத்தை கொள்ளையடித்துச் சென்றுள்ளது. வழக்கம்போல் இன்று (ஜூலை 1) காலை இவர்களது மகள் வீட்டிற்கு வந்து பார்த்தபோது, பெற்றோர் கட்டி வைக்கப்பட்ட நிலையில் இருந்துள்ளனர்.