வீடியோ: மாணவிகள் முன் பாவலா காட்ட முயன்ற இளைஞர் பஞ்சரான சோகம்

அழகப்பா பல்கலைக்கழக மாணவிகள் முன்பு இருசக்கர வாகனத்தில் சாகசம் செய்ய முயன்ற இளைஞர் கீழே விழுந்த வீடியோ சமூக வலைதளங்களில் வைரலாகி வருகிறது.

சிவகங்கை மாவட்டம் காரைக்குடி அழகப்பா பல்கலைக்கழக சாலையில் 2 இளைஞர்கள் பைக்கில் சென்றுள்ளனர். அப்போது பைக்கின் பின்புறம் அமர்ந்திருந்த இளைஞர் பேருந்து நிறுத்ததில் கல்லூரி மாணவிகளை கண்ட உடன் ஓடும் பைக்கில் இருந்தபடியே எழுந்து நிற்க முயற்சித்தார். அப்போது நிலை தடுமாறி கீழே விழுந்து மண்ணை கவ்வினார். இந்த வீடியோ சமூக வலைதளங்களில் வைரலாக பரவி வருகிறது.

இதுகுறித்து அறிந்த அழகப்பபுரம் போலீசார் வீடியோவை வைத்து, சாகசத்தில் ஈடுபட்ட இளைஞர்களை தேடி வருகின்றனர். அந்த பைக்கில் நம்பர் பிளேட் இல்லாதது குறிப்பிடத்தக்கது.