சிவகங்கை:மானாமதுரை சிப்காட் காவல்துறையினர் நேற்று (ஜூன்.12) இரவு 1 மணி அளவில் காவல்நிலையம் அருகே வாகன சோதனையில் ஈடுபட்டு கொண்டிருந்தபோது திருச்சுழியிலிருந்து பட்டுக்கோட்டையை நோக்கி சென்ற குழந்தைகள் நலத்திட்டத்திற்கு ஒப்பந்த அடிப்படையில் செயல்படக்கூடிய வாகனத்தை நிறுத்தி சோதனை செய்தனர்.
அதில் 1.5 லட்சம் மதிப்பிலான 1200 போலி மதுபாட்டில்கள் இருப்பது தெரியவந்தது. பட்டுக்கோட்டையை சேர்ந்த ஓட்டுநர் கார்த்திகேயன் மற்றும் ஜெயவீரபாண்டியன் ஆகிய இருவரையும் காவல்துறையினர் கைது செய்தனர்.