கார்கில் போரில் உயிர் நீத்த வீரர்களுக்கு அஞ்சலி செலுத்தும் நிகழ்ச்சி!

சிவகங்கை: கார்கில் போரில் உயிர்நீத்த வீரர்களுக்கு அஞ்சலி செலுத்தும் நிகழ்ச்சி காரைக்குடியில் நடைபெற்றது.

சிவகங்கை மாவட்டம் காரைக்குடியில் அமைந்துள்ள ஒன்பதாவது பட்டாலியன் சார்பில் இன்று கார்கில் போரில் உயிர் நீத்தவர்களுக்கு நினைவஞ்சலி செலுத்தப்பட்டது. இதில் துப்பாக்கி ஏந்திய பட்டாலியன் படை வீரர்கள், துப்பாக்கியால் வானத்தை நோக்கி மூன்று முறை சுட்டு போரில் வீரமரணம் அடைந்த வீரர்களுக்கு மரியாதை செலுத்தினர்.

இந்நிகழ்ச்சியில் காரைக்குடி அழகப்பா பல்கலைக்கழக துணைவேந்தர் ராஜேந்திரன், ஒன்பதாவது பட்டாலியன் கமாண்டர் அஜய் ஜோஷி, பள்ளி மாணவ-மாணவிகள் உள்ளிட்டோர் கலந்துகொண்டனர்.