சேலம்: சேலத்தின் நாம மலை அடிவாரம் பேருந்து நிறுத்தத்தில், சுமார் 40 வயது மதிக்கத்தக்க பயணி ஒருவர் செல்ஃபோனில் பேசிக்கொண்டிருந்தார். அப்போது அங்கு இருசக்கர வாகனத்தில் வந்த இரண்டு பேர், அவரிடமிருந்த செல்ஃபோனை பறிக்க முயன்றனர்.
இருப்பினும் எதிர்பாராதவிதமாக செல்ஃபோன் கீழே தரையில் விழுந்ததால், இருவரும் உடனடியாக அங்கிருந்து தப்பிச் சென்றனர். இதனை அப்போது அருகிலிருந்த மாற்றுத் திறனாளி ஆட்டோ ஓட்டுநர் தங்கதுரை கவனித்துள்ளார்.
கொள்ளையர்களைப் பிடித்த மாற்றுத்திறனாளி ஓட்டுநர் தொடர்பான காணொலி
ரூ. 10 ஆயிரம், கத்தி உள்ளிட்டவை பறிமுதல்
இதனையடுத்து உடனடியாக கொள்ளையர்கள் இருவரையும் தனது ஆட்டோவில் துரத்திச் சென்று, அவர்களின் இருசக்கர வாகனத்தில் மோதியுள்ளார் தங்கதுரை. இதில் நிலைகுலைந்த ஒரு கொள்ளையனை தங்கதுரை பிடித்துக்கொள்ள, மற்றொருவரை அங்கிருந்த பொதுமக்கள் மடக்கிப் பிடித்தனர்.