பள்ளி மாணவிக்கு பாலியல் கொடுமை; ஆசிரியர் போக்சோவில் கைது!

சேலம்: அரசுப் பள்ளி மாணவியை பாலியல் வன்கொடுமை செய்த உதவி தலைமை ஆசிரியரை காவல்துறையினர் கைது செய்துள்ளனர்.

சேலம் மாவட்டம், வேம்படிதாளம் அரசுப் பள்ளியில் படித்தவரும் பன்னிரெண்டாம் வகுப்பு படிக்கும் மாணவிக்கு, அப்பள்ளியின் உதவி தலைமையாசிரியர் பாலாஜி என்பவர் பாலியல் வன்கொடுமை செய்துள்ளார். இதனால் மாணவி கர்ப்பம் அடைந்துள்ளார்.

இது குறித்து பள்ளியின் தலைமை ஆசிரியர் அமுதா கொண்டலாம்பட்டி காவல் நிலையத்தில் புகார் அளித்தார். இதையடுத்து, பாலாஜி மீது போஸ்கோ சட்டத்தின்கீழ் வழக்கு பதிவு செய்த காவல்துறையினர் அவரை சேலம் மத்திய சிறையில் அடைத்தனர்.

இந்த நிலையில் ஆசிரியர் பாலாஜியை கண்டித்து பல்வேறு சமூக அமைப்புகள் பள்ளி முன்பு திரண்டு போராட்டத்தில் ஈடுபட்டன.