மாநில அளவிலான வில்வித்தைப் போட்டி...

சேலம்: மாநில அளவிலான வில்வித்தைப் போட்டியில் 100-க்கும் மேற்பட்ட மாணவ மாணவிகள் கலந்து கொண்டு தங்கள் திறமைகளை வெளிப்படுத்தினர்.

சேலம் டவுன் பகுதியில் உள்ள மகாத்மா காந்தி விளையாட்டு மைதானத்தில் மாநில அளவிலான வில்வித்தைப் போட்டி நடைபெற்றது. இப்போட்டிகளில், சேலம், தருமபுரி, கிருஷ்ணகிரி உள்ளிட்ட பல்வேறு மாவட்டங்களில் இருந்து 100-க்கும் மேற்பட்ட மாணவ மாணவிகள் ஆர்வத்துடன் பங்கேற்று தங்கள் திறமைகளை வெளிப்படுத்தினர்.

இதில், 11 வயது முதல் 18 வயது வரையிலான அரசு மற்றும் தனியார் பள்ளிகளின் மாணவ - மாணவியர்கள் நான்கு பிரிவுகளின் கீழ் நடந்த இந்த விளையாட்டுப் போட்டியில் கலந்துகொண்டனர். போட்டியானது நின்று எறிதல் நிலை, மண்டியிட்டு எறிதல் நிலை, உட்கார்ந்து எறிதல் ஆகிய 3 நிலைகளில் நடைபெற்றது.

இப்போட்டியில், தொடர்ந்து அனைத்து பிரிவுகளிலும் வெற்றி பெறும் மாணவ, மாணவிகள் தேசியளவிலான வில்வித்தைப் போட்டிக்கு தகுதி பெற்றவர்களாவர் என்பது குறிப்பிடத்தக்கது.

இதையும் படிங்க: ‘இலங்கை தமிழர்கள் விரும்பும் அரசியல் தீர்வை மோடி பெற்றுத்தர வேண்டும்’ - ஸ்டாலின் கோரிக்கை