சேலம்: சேலத்தில் பெய்த தொடர் மழையால் வீடுகள், சாலைகளில் வெள்ள நீர் புகுந்து பொதுமக்களின் இயல்பு வாழ்க்கை பாதிக்கப்பட்டது.
சிவதாபுரம் ஆண்டிபட்டி பகுதியில் தேங்கிய மழைநீரை வெளியேற்ற வலியுறுத்தி பொதுமக்கள் இன்று (நவ.23) போராட்டத்தில் ஈடுபட்டனர். சிலர் கைக்குழந்தைகளுடன் வெள்ள நீரில் இறங்கி போராட்டத்தில் ஈடுபட்டனர். மழை குறைந்து 10 நாட்கள் ஆகியும் நீரை வெளியேற்ற மாநகராட்சி ஊழியர்கள் நடவடிக்கை எடுக்கவில்லை என குற்றஞ்சாட்டினர். மேலும் மழை நீரால் தொற்று நோய் பரவும் அபாயம் உள்ளதாகவும் அவர்கள் தெரிவித்தனர்.
மழைநீரை வெளியேற்ற கோரி சேலத்தில் கைக்குழந்தைகளுடன் பொதுமக்கள் போராட்டம்