தமிழ்நாடு அரசுப் போக்குவரத்துக்கழக பணிமனை, அலுவலகம் சேலம் அஸ்தம்பட்டி பகுதியில் இயங்கிவருகிறது. இங்கு, பேருந்து இயந்திரப் பயன்பாடு, உபகரணங்களைக் கையாளுதல் குறித்து, ஓட்டுநர்களுக்குப் பயிற்சி அளிக்க சின்ன திருப்பதியைச் சேர்ந்த தனியார் நிறுவன பயிற்சியாளர் கார்த்தி என்பவர் பணிமனைக்கு வந்துள்ளார்.
ஓட்டுநர்களுக்குப் பயிற்சி அளிக்க தொடங்கிய சிறிது நேரத்திலேயே அவர் திடீரென மயங்கி விழுந்துள்ளார். இதைக்கண்டு அதிர்ச்சியடைந்த சக ஓட்டுநர்கள் ஆம்புலன்ஸுக்காக காத்திருக்காமல் உடனடியாக பணிமனை வளாகத்திலிருந்த பேருந்து இருக்கையில், பயிற்சியாளர் கார்த்தியை படுக்கவைத்து சிறிது நேரத்தில் அரசு மருத்துவமனைக்கு அழைத்துவந்தனர்.
மாரடைப்பு ஏற்பட்ட பயிற்சியாளரை மருத்துவமனையில் சேர்த்த பயிற்சி ஓட்டுநர்