என்னால் கரோனாவை ஒழிக்க முடியும் - டவர் மீது ஏறி ரகளை செய்தவர் கைது!

கரோனாவை ஒழிக்க முடியும் என கூறி அண்ணா பூங்கா எதிரே 100 அடி உயர டவர் மீது ஏறி ரகளையில் ஈடுபட்டவரை காவல் துறையினர் கைது செய்தனர்.

சேலம்: பூசாரிப்பட்டி பகுதியைச் சேர்ந்தவர் ரஜினி செந்தில். இவர், கரோனாவை ஒன்றிய, மாநில அரசுகள் ஒழிக்க முடியாது. என்னால் 15 நாள்களில் ஒழிக்க முடியும் என கடிதம் எழுதி வைத்துவிட்டு, நான்கு ரோடு அண்ணா பூங்கா எதிரே உள்ள 100 அடி உயர டவர் மீது ஏறி ரகளையில் ஈடுபட்டுள்ளார்.

இது குறித்து தகவலறிந்து சம்பவ இடத்திற்கு சென்ற காவல் துறையினர், தீயணைப்பு துறை உதவியோடு ரகளையில் ஈடுபட்டவரை பத்திரமாக மீட்டனர்.

பின்னர் அவரை கைது செய்த காவல் துறையினர், காவல் நிலையம் அழைத்துச் சென்று விசாரணை நடத்தி வருகின்றனர்.

இதையும் படிங்க: போதையில் காவல் நிலையத்தில் ரகளை: பேருந்து நடத்துநர் கைது!