சேலம்: சேலம் பழைய சூரமங்கலம் பகுதிக்குட்பட்ட சுடுகாட்டில் கிட்டத்தட்ட, 12 வருடங்களுக்கு மேலாக தகன மேடை இல்லாமல் அப்பகுதி மக்கள் மிகவும் அவதிப்பட்டு வருகின்றனர். குறிப்பாக மழைக்காலங்களில் பிணம் எரிக்க முடியாமல் அவதியடைகின்றனர்.
பொது சுடுகாடு என்பதால், வசதிகள் ஏற்படுத்தித் தர பல அலுவலர்களைச் சந்திக்க வேண்டியுள்ளது. மேலும், அப்படி முயன்றாலும் எந்தவித முன்னேற்றங்களும் ஏற்படவில்லை எனக் கவலை தெரிவிக்கின்றனர்.
12 ஆண்டுகளுக்கும் மேலாக தகன மேடை இல்லாது அவதியுறும் சூரமங்கலம் மக்கள்
இதுகுறித்து இறுதிச் சடங்கு செய்யும் சாம்புவன் கூறுகையில், "பிணம் எரிப்பதற்கு அடிப்படையாக தேவைப்படுவது தகன மேடை. ஆனால், இங்கு வெறும் தரையில் குழி வெட்டி எரிக்க வேண்டிய சூழ்நிலை உள்ளது. மழை பெய்யும் நிலம் வந்தால், மிகவும் கஷ்டப்பட்டு எரிக்கவேண்டியதாக உள்ளது.