ஆலயத்தை சுத்தம் செய்த தேசிய மாணவர் படை மாணவர்கள்..!

சேலம்: சுகவனேஸ்வரர் ஆலயத்தில் வளர்ந்திருந்த செடி, கொடிகளை தேசிய மாணவர் படை மாணவர்கள் அகற்றி சுத்தம் செய்தனர்.

சேலம் நகரின் மையத்தில் மிகவும் பழமையான ஸ்ரீ சுகவனேஸ்வரர் ஆலயம் உள்ளது. இந்த கோயிலில் கும்பாபிஷேகம் நடத்த ஏற்பாடுகள் செய்யப்பட்டு அதற்கான பணிகள் நடந்து வருகிறது.

இந்நிலையில், தொடர் மழை பெய்ததன் காரணமாக கோயில் முழுவதும் செடி, கொடிகள் வளர்ந்துள்ளது. இதை அறிந்த சேலம் சௌடேஸ்வரி கல்லூரி, சேலம் அரசு கலைக்கல்லூரியின் தேசிய மாணவர் படையைச் சேர்ந்த மாணவர்கள் செடி, கொடிகளை இன்று காலை அகற்றி சுத்தம் செய்தனர்.

இதனைத் தொடர்ந்து, அருகில் உள்ள தண்ணீர் நிரம்பி உள்ள குளத்தின் மேல் பகுதியில் இருந்த செடி கொடிகளையும் தேசிய மாணவர் படையினர் அகற்றி சுத்தம் செய்தனர். இவர்களது சேவையை கண்டு பக்தர்கள் மகிழ்ச்சி அடைந்தனர்.

இதையும் படிங்க: