சேலம் மாவட்டம் தலைவாசலை அடுத்த சாலையம்மன் பகுதியில் 500-க்கும் மேற்பட்ட விவசாயிகள் வாழ்ந்துவருகின்றனர். இவர்கள் ஆண்டுதோறும் மக்காச்சோள பயிரினை, பல நூறு ஏக்கரில் நடவு செய்துவருகின்றனர். இந்தாண்டும் வழக்கம்போல மக்காச்சோளப்பயிர் மேல் நடவுசெய்துள்ளனர்.
இந்நிலையில், நேற்று முன்தினம் இரவு சூறாவளிக்காற்றுடன் கன மழை பொழிந்தது. இதன் காரணமாக, ஏறத்தாழ 300 ஏக்கர்களுக்கு மேல் பயிரிடப்பட்டிருந்த மக்காச்சோளப் பயிர்கள் சூறாவளிக்காற்றில் உடைந்தும் சாய்ந்தும் கடும் சேதமடைந்துள்ளன.
கடும் வறட்சியால் பாதிக்கப்பட்டிருந்த விவசாய நிலங்களுக்கு பாசனத் தேவைக்கு கடன் வாங்கி, அருகிலுள்ள பகுதிகளிலிருந்து தண்ணீரை விலைக்கு வாங்கிவந்து விவசாயம் செய்துவந்த நிலையில், சூறைக் காற்றால் மக்காச்சோளப்பயிர்கள் சேதம் அடைந்திருப்பது அப்பகுதி விவசாயிகளை வேதனையில் மூழ்கச் செய்துள்ளது.
இது குறித்து விவசாயி அன்பழகன் கூறுகையில், "கரோனா வைரஸ் அச்சுறுத்தல் காரணமாக கடந்த 15 நாள்களாகத் தமிழ்நாடு முழுவதும் 144 தடை உத்தரவு பிறப்பிக்கப்பட்டுள்ள நிலையில் வேலைக்குச் செல்லாமல் வீட்டிலேயே இருப்பதால் வாழ்வாதாரம் இழந்து நிற்கிறோம்.