சேலம் மாவட்டம் தாரமங்கலத்தில் இன்று தமிழ்நாடு விவசாயிகள் சங்கத்தின் மாவட்டக்குழுக் கூட்டம் நடைபெற்றது. இதில், குடியுரிமை திருத்தச்சட்டம், தேசிய குடிமக்கள் பதிவேடு சட்டங்களைத் திரும்ப பெற வலியுறுத்தியும், நூறுநாள் வேலையை 250 நாளாக அதிகரித்து, தொழிலாளர்களுக்கு ரூ.600 தின ஊதியமாக வழங்க வலியுறுத்தியும், வேளாண் விஞ்ஞானி எம்.எஸ். சுவாமிநாதன் பரிந்துரையை அமல்படுத்தக் கோரியும் தீர்மானங்கள் நிறைவேற்றப்பட்டன.
மேலும், தமிழ்நாடு விவசாய சங்கத்தினரின் மேற்கண்ட பல்வேறு கோரிக்கைகளை வலியுறுத்தி வரும் ஜனவரி 8ஆம் தேதி பொதுவேலைநிறுத்தமும் மறியல் போராட்டம் நடத்தவும் தீர்மானம் நிறைவேற்றப்பட்டுள்ளது.