ஆத்தூர் அருகே ரூ.4.74 கோடி மதிப்பீட்டில் புதிய திட்டப் பணிகள்: அடிக்கல் நாட்டினார் ஈபிஎஸ் சேலம்:ஆத்தூர் சட்டமன்றத் தொகுதியில் நாடாளுமன்ற மேலவை உறுப்பினர் சி.வி.சண்முகம் தொகுதிக்கு ரூ.1 கோடி ஒதுக்கீடு செய்தும் மற்றும் சட்டமன்ற உறுப்பினர் ஏ.பி.ஜெயசங்கரன் தொகுதி மேம்பாட்டு நிதியில் ரூ.3 கோடியே 74 லட்சம் ஒதுக்கீடு என மொத்தம் சுமார் ரூ.4 கோடியே 74 லட்சம் மதிப்பிலான புதிய திட்டப் பணிகளுக்கு எடப்பாடி பழனிசாமி அடிக்கல் நாட்டி வைத்தார்.
இதன்படி,ஆத்தூர் ஒன்றியத்தில் துலுக்கனூர் ஊராட்சி இந்திரா நகரில் ரூ.9.98 லட்சம் ரூபாய் மதிப்பீட்டில் பயணிகள் நிழற்கூடம். தென்னங்குடிபாளையம் ரூ.9.98 லட்சம் மதிப்பீட்டில் பயணிகள் நிழற்கூடம், அரசநத்தம் ஊராட்சி, ஊராண்டிவலசு மற்றும் கோவிந்தராஜாபாளையத்தில் ரூ.4 லட்சம் மதிப்பீட்டில் சீர்மிகு வகுப்பறை. அரசநத்தம் ஊராட்சி ரூ.12 லட்சம் மதிப்பீட்டில் 30 ஆயிரம் லிட்டர் கொள்ளளவு கொண்ட நீர்த்தேக்கத் தொட்டி.
தென்னங்குடிபாளையம் ஊராட்சி, தாண்டவராயபுரம் ஊராட்சி ஆகிய பகுதிகளில் ரூ.4 லட்சம் மதிப்பீட்டில் சீர்மிகு வகுப்பறை, அம்மம்பாளையம் ஊராட்சியில் ரூ.16 லட்சம் மதிப்பீட்டில் 60 ஆயிரம் லிட்டர் கொள்ளளவு கொண்ட நீர்த்தேக்கத் தொட்டி, வலையமாதேவி ஊராட்சியில் ரூ.12 லட்சம் மதிப்பீட்டில் 30 ஆயிரம் லிட்டர் கொள்ளளவு கொண்ட நீர்த்தேக்க தொட்டி, கல்பகனூர் ஊராட்சியில் ரூ.15 லட்சம் மதிப்பீட்டில் அங்கன்வாடி கட்டடம் மற்றும் ஏத்தாப்பூர் பேரூராட்சியில் உள்ள 8வது வார்டில் ரூ.15 லட்சம் மதிப்பீட்டில் அங்கன்வாடி கட்டடம்.
ஏத்தாப்பூர் நடுநிலைப்பள்ளியில் ரூ.2 லட்சம் மதிப்பீட்டில் சீர்மிகு வகுப்பறை, ரூ.30 லட்சம் மதிப்பீட்டில் வடிகால் பணி மற்றும் ஆத்தூர் நகராட்சியில் 23வது வார்டில் ரூ.10 லட்சம் மதிப்பீட்டில் அண்ணா தெருவில் சிறுபாலம் மழைநீர் வடிகால் மற்றும் கான்கிரீட் சாலை அமைத்தல். 11வது வார்டில் ரூ.13.50 லட்சம் மதிப்பீட்டில் 30 ஆயிரம் லிட்டர் கொள்ளளவு நீர்த்தேக்கத் தொட்டி மற்றும் பகிர்மான குழாய்கள் அமைத்தல்.
கிழக்கு மாதா கோயில் தெருவிற்கு ரூ.11 லட்சம் மதிப்பீட்டில் பேவர் பிளாக் சாலை அமைத்தல், 12வது வார்டில் ரூ.7.50 லட்சம் மதிப்பீட்டில் சிவகுரு தெருவில் புதிய நீர்த்தேக்கத் தொட்டி அமைத்தல் மற்றும் புதிய ஆழ்துளைக்கிணறு அமைத்தல். ஆர்.சி நடுநிலைப்பள்ளியில் ரூ.10 லட்சம் மதிப்பீட்டில் புதிய கழிப்பிடம் கட்டும் பணி மற்றும் ரூ.6 லட்சம் மதிப்பீட்டில் ஆழ்துளைக்கிணறு மற்றும் மின் மோட்டார் அமைத்தல்.
31வது வார்டில் ரூ.2 லட்சம் மதிப்பீட்டில் ஆதிதிராவிடர் பள்ளியில் சீர்மிகு வகுப்பறை, 21வது வார்டில் ரூ.6 லட்சம் மதிப்பீட்டில் நாராயணசாமி தெரு, வீரமுத்து மாரியப்பன் தெரு, பெருமாள் தெரு ஆகிய பகுதிகளில் சிறு பாலம் அமைத்தல், நகராட்சி பொறியாளர் குடியிருப்பு அருகில் உள்ள காலி இடத்தில் ரூ.13.50 புதிய நியாய விலை கட்டடம் கட்டுதல், 3வது வார்டில் முல்லைவாடி காலனி பகுதியில் ரூ.13.50 லட்சம் மதிப்பீட்டில் புதிய நியாய விலை கட்டடம் கட்டுதல்.
16வது வார்டில் ரூ.7.50 லட்சம் மதிப்பீட்டில் 10 ஆயிரம் லிட்டர் கொள்ளளவு கொண்ட நீர்த்தேக்க தொட்டி மற்றும் பகிர்மான குழாய்கள் அமைத்தல் மற்றும் பெத்தநாயக்கன்பாளையம் ஒன்றியத்தில் ஆரியபாளையம் ஊராட்சி, களரம்பட்டி, ஒட்டப்பட்டி, தளவாய்பட்டி, மேற்குராஜபாளையத்தில் வன்னாத்திகுட்டை, துவாரகாபுரி, செட்டிப்பட்டி, இடையபட்டியில் கத்திரிப்பட்டி, இடையபட்டி ஆகிய ஊராட்சிகளில் ரூ.81.88 லட்சம் மதிப்பீட்டில் பயணிகள் நிழற்கூடம் அமைத்தல்.
இடையபட்டி, பனமடல், தாண்டனூர், வெள்ளாளப்பட்டி ஆகிய ஊராட்சிகளில் ரூ.18 லட்சம் மதிப்பீட்டில் சீர்மிகு வர்கப்பறையும், கல்வராயன் மலையில் மேல்நாடு - பெரண்டூரில் ரூ.16 லட்சம் அளவில் பகுதி நேர நியாய விலை கடையும், மேற்கு ராஜபாளையத்தில் மேல்நாடு - பெரண்டூரில் ரூ.16 லட்சம் மதிப்பீட்டில் 60 ஆயிரம் லிட்டர் கொள்ளளவு கொண்ட நீர்த்தேக்க தொட்டி மற்றும் பெத்தநாயக்கன்பாளையம் பேரூராட்சி 1.2 வார்டு சின்ன சமுத்திரத்தில் ரூ.10 லட்சம் மதிப்பீட்டில் புதிய கழிப்பிடம் கட்டும் பணி என சுமார் ரூ.4.74 கோடி மதிப்பீட்டிலான வளர்ச்சி திட்ட பணிகளுக்கு அதிமுக பொதுச் செயலாளரும், எதிர்க்கட்சி தலைவரும், முன்னாள் முதலமைச்சருமான எடப்பாடி பழனிசாமி கலந்து கொண்டு அடிக்கல் நாட்டினார்.
அதைத் தொடர்ந்து, சேலம் மாவட்டம், புத்திரகவுண்டம்பாளையத்தில் உள்ள 146 அடி உயரத்தில் உலகிலேயே மிக உயரமான முத்துமலை முருகன் கோயிலில் பூரண கும்ப மரியாதையுடன் வரவேற்கப்பட்ட ஈபிஎஸ், கோயிலில் சிறப்பு யாகம் செய்தார். பின்னர் தங்கத்தேர் இழுத்து, சாமி தரிசனம் செய்தார். அதனைத் தொடர்ந்து, கோயிலுக்கு வந்த அனைத்து பக்தர்களுக்கும் அன்னதானம் வழங்கப்பட்டது.
இதையும் படிங்க: IND Vs AUS: இந்தியா - ஆஸ்திரேலியா ஒருநாள் தொடர் இன்று தொடங்குகிறது!
