தமிழகம், புதுவையில் மக்களவைத் தேர்தல் வாக்குப்பதிவு ஏப்ரல் 18-ம் தேதி வியாழக்கிழமை காலை 7 மணிக்கு துவங்கியது.
சேலம் மாவட்டத்தைப் பொருத்தவரையில் 11 சட்டப்பேரவைத் தொகுதிகள் உள்ளன. இதில் சேலம் மக்களவைத் தொகுதியில் சேலம் தெற்கு, சேலம் வடக்கு, சேலம் மேற்கு, ஓமலூர், வீரபாண்டி, எடப்பாடி ஆகிய 6 சட்டப்பேரவைத் தொகுதிகள் வருகின்றன.
ஆத்தூர், கெங்கவல்லி, ஏற்காடு ஆகிய மூன்று பேரவை தொகுதிகள் கள்ளக்குறிச்சி மக்களவைத் தொகுதியிலும், மேட்டூர் பேரவை தொகுதி தருமபுரி மக்களவைத் தொகுதியிலும், சங்ககிரி பேரவை தொகுதி நாமக்கல் மக்களவைத் தொகுதியிலும் வருகிறது.