2021 தமிழ்நாடு சட்டப்பேரவைத் தேர்தலுக்கான வேட்புமனு தாக்கல் நேற்று முன்தினம் (மார்ச்.19) முடிவடைந்த நிலையில், வேட்புமனு பரிசீலனை நேற்று ( மார்ச்.20) காலை தொடங்கியது. சேலம் மாவட்டத்தில் உள்ள 11 தொகுதிகளில் அதிமுக, திமுக, மநீம, அமமுக, தேமுதிக, சுயேச்சைகள் உள்பட 412 வேட்புமனுக்கள் தாக்கல் செய்யப்பட்டிருந்தன.
முதலமைச்சர் எடப்பாடி பழனிசாமி போட்டியிடும் எடப்பாடி தொகுதியில் சுமார் 48 வேட்புமனுக்கள் தாக்கல் செய்யப்பட்டன. அதிகபட்சமாக மேட்டூர் தொகுதியில் 73 பேர் வேட்புமனுக்களும், ஆத்தூர் தொகுதியில் குறைந்தபட்சமாக 21 வேட்புமனுக்களும் தாக்கல் செய்யப்பட்டிருந்தன.
இந்நிலையில், கெங்கவல்லி 12, ஆத்தூர் 13, ஏற்காடு 13, ஓமலூர் 18, மேட்டூர் 16, எடப்பாடி 28, சங்ககிரி 24, சேலம் மேற்கு 28, சேலம் வடக்கு 20, சேலம் தெற்கு 30, வீரபாண்டி 22 என மாவட்டத்தில் 11 தொகுதிகளில் 224 மனுக்கள் ஏற்கப்பட்டன. சுமார் 188 மனுக்கள் நிராகரிக்கப்பட்டன.