கரோனா வைரஸ் பரவலைத் தடுக்கும் வகையில், தமிழ்நாட்டில் சித்த மருத்துவ சிகிச்சை மையம் மாவட்டம்தோறும் அரசு சார்பில் அமைக்கப்பட்டுள்ளது. அந்த வகையில், சேலம் மாவட்டம் உத்தமசோழபுரம் பகுதியில் கடந்த ஆகஸ்ட் 5ஆம் தேதி முதல் சித்த மருத்துவ சிகிச்சை மையம் ஏற்படுத்தப்பட்டு, செயல்பட்டு வருகிறது. 65 படுக்கை வசதிகளுடன் செயல்பட்டு வரும் இந்த மையத்தில், கரோனா வைரஸ் தொற்று பாதித்த 154 பேர் சிகிச்சைப் பெற அனுமதிக்கப்பட்டனர். இதில் நேற்று (ஆகஸ்ட் 28) வரை 105 பேர் சிகிச்சை முடிந்து அவரவர் வீட்டுக்கு அனுப்பி வைக்கப்பட்டனர்.
இது தொடர்பாக சேலம் மாவட்ட சித்த மருத்துவர் கோ.செல்வமூர்த்தி கூறுகையில், "உத்தமசோழபுரம் சித்த மருத்துவ சிகிச்சை மையத்தில் சிகிச்சைப் பெற்று வருபவர்களுக்கு கபசுரக் குடிநீர், யோகா பயிற்சி, காலை உணவு, சுண்டல், மதிய உணவு, மாலை மூலிகை தேநீர், இரவு உணவு ஆகியவை நேரம் தவறாமல் வழங்கப்பட்டு வருகிறது.