ராமநாதபுரம் முழுவதும் பரவலாக மழை

ராமநாதபுரம்: மாவட்டம் முழுவதும் பரவலாக மழை பெய்ததால் பொதுமக்கள், விவசாயிகள் மகிழ்ச்சி அடைந்துள்ளனர்.

வடகிழக்கு பருவமழையால் தமிழ்நாட்டின் கடலோர மாவட்டத்தில் கனமழை பெய்யும் என சென்னை வானிலை ஆராய்ச்சி மையம் தெரிவித்து இருந்தது. அதன்படி கடந்த சில தினங்களாக ராமநாதபுரம் முழுவதும் பரவலாக மழை பெய்தது.

நேற்று (நவ.15) இரவு தொடங்கிய மழையானது கமுதி, முதுகுளத்தூர், பரமக்குடி, திருவாடானை, ராமேஸ்வரம், பாம்பன், தங்கச்சிமடம் உள்ளிட்ட பகுதியில் தொடர்ந்து பெய்து வருகிறது. இன்று (நவ.16) காலை வேலைக்கு செல்வோர் வெகுவாக பாதிக்கப்பட்டனர்.

தற்போது பெய்து வரும் மழையால் மாவட்டத்தில் குளிர்ச்சியான கால நிலை நிலவி உள்ளது. இதனால் பொதுமக்கள், விவசாயிகள் மகிழ்ச்சி அடைந்துள்ளனர்.

இதையும் படிங்க: விமான நிலைய பகுதியில் காற்றுடன் மழை - விமானங்கள் புறப்பாடு தாமதம்!