ராமேஸ்வரத்திலிருந்து மீன்பிடிக்கச் சென்ற ராமேஸ்வரத்தை சேர்ந்த 22 பேர், புதுக்கோட்டையை சேர்ந்த 4 பேர் என மொத்தம் 26 பேரை எல்லை தாண்டி மீன் பிடித்ததாக கூறி கடந்த டிசம்பர் 14ஆம் தேதி இலங்கை கடற்படையினர் கைது செய்தனர். அவர்கள் அனைவரையும் காரைநகர் கடற்படை தளத்தில் கடற்படையினர் தனிமைப்படுத்தினர்.
இந்நிலையில், கைது செய்யப்பட்ட மீனவர்கள் அனைவரும் இன்று(ஜன.13) ஊர்காவல் நீதிமன்ற நீதிபதி யூட்சன் முன்னிலையில் ஆஜர்படுத்தப்பட்டனர். அப்போது விசாரணை நடத்திய நீதிபதி, இனிமேல் இலங்கை கடல் பகுதிக்குள் வந்து மீன்பிடிக்க கூடாது என்ற எச்சரிக்கையோடு விடுதலை செய்து உத்தரவிட்டார்.