25 கிலோ கடல் அட்டைகளை வைத்திருந்த இளைஞர் கைது!

ராமநாதபுரம்: 25 கிலோ கடல் அட்டைகளை வைத்திருந்த இளைஞர் மண்டபம் வனத் துறையினரால் கைதுசெய்யப்பட்டுள்ளார்.

ராமநாதபுரம் மாவட்டம் மண்டபம் வனச்சரக அலுவலர் வெங்கடேஷ் தலைமையில் வனவர் மகேந்திரன், வனக்காப்பாளர் பிரபு, வேட்டைத் தடுப்புக் காவலர்கள் இன்று (மார்ச் 22) காலை மண்டபம் பகுதியில் ரோந்துப் பணியில் ஈடுபட்டிருந்தனர்.

அப்போது சேது நகர், மண்டபம் பகுதியைச் சேர்ந்த ரம்ஜான் அலிகானிடமிருந்து 25 கிலோ எடையுள்ள, பதப்படுத்தப்பட்ட கடல் அட்டைகளைப் பறிமுதல்செய்து இது குறித்து விசாரணை மேற்கொண்டுவந்தனர்.

பின் அவர் மீது வன உயிரின பாதுகாப்புச் சட்டம் 1972 இன்கீழ் வழக்குப்பதிவு செய்து, நீதிமன்றம் முன்நிறுத்தி கைதுசெய்தனர். மேலும் இவரிடம் விசாரணையில் ஈடுபட்டுவருகின்றனர்.

இதையும் படிங்க: பெங்களூருிலிருந்து கடத்திவரப்பட்ட ஒரு டன் குட்கா பறிமுதல்!