ராமநாதபுரம்: மாவட்டம் அதிக அளவில் பனை மரங்களைக் கொண்ட மாவட்டமாக இருந்து வருகிறது. இந்நிலையில் ராமநாதபுரம் மாவட்டத்தில் உள்ள 429 பஞ்சாயத்தில் இன்று (அக்.1) '12 மணி நேரத்தில் 18 லட்சம் பனை மர விதைகளை நடும் விழா' சாதனை முயற்சியாக மாவட்ட ஊரக வளர்ச்சித் துறையின் சார்பில் நடைபெற்றது.
இதனை ராமநாதபுரம் மாவட்ட கூடுதல் ஆட்சியர் பிரவீன்குமார், கழுகூரணி பகுதியில் தொடங்கி வைத்து பனை விதை நடவு செய்தார். இதனையடுத்து உலக சாதனை நிறுவனத்தைச் சேர்ந்த ஆய்வாளர்கள் ஆய்வு செய்தனர்.