ராமநாதபுரம் மாவட்டத்தில், மாவட்ட அளவிலான இறகுபந்து போட்டி சீதக்காதி சேதுபதி விளையாட்டு மைதானத்தில் இரண்டு நாள்களாக நடைபெற்றது.
இப்போட்டியில் மாவட்டம் முழுவதிலும் இருந்து சுமார் 57 அணிகள் கலந்து கொண்டன. இதில், வெற்றி பெற்ற அணிகளுக்கு எம்.பி. நவாஸ்கனி பரிசுகளை வழங்கி பாராட்டினார்.
அதன்பின்பு செய்தியாளர்களை சந்தித்து அவர் பேசுகையில், தமிழ்நாட்டில் சசிகலாவின் வருகை அதிமுகவினருக்கு கலக்கத்தை ஏற்படுத்தியுள்ளது. இருந்தபோதிலும் அவரின் வருகை திமுகவிற்கு ஒரு சாதகமான நிலையை உருவாக்கி அதிக வெற்றி வாய்ப்பை தரும்.