தமிழ்நாட்டின் தென்மாவட்டங்களில் உள்ள மக்கள் ஆட்டுக்கறி இல்லாமல் தீபாவளி பண்டிகை கொண்டாடுவது இல்லை. அதன் காரணமாக தீபாவளிக்கு சில தினங்கள் முன்பு சந்தைகளில் ஆடு விற்பனை களைக் கட்டத் தொடங்கும். அந்த வகையில், ராமநாதபுரம் மாவட்டம் திருவாடானையில் வழக்கமாக திங்கட்கிழமைகளில் வாரச் சந்தை நடைபெறும், ஆனால் தீபாவளியை முன்னிட்டு இன்று சிறப்பு வாரச்சந்தை நடைபெற்றது.
வாரச் சந்தையில் காரைக்குடி, தேவகோட்டை, புதுக்கோட்டை உட்பட பல்வேறு பகுதிகளிலிருந்து வியாபாரிகள் அதிகாலை 4 மணி முதலே ஆடுகளை விற்பனைக்காக கொண்டு வந்தனர். இதையடுத்து, காலை 6 மணியிலிருந்து 9 மணி வரை, மூன்று மணி நேரத்தில் 1 கோடியே 50 லட்சம் ரூபாய்க்கு மேல் ஆடுகள் விற்பனையானது.