முன்விரோதம் - முன்னாள் இந்து முன்னணி பிரமுகருக்கு கத்திக்குத்து!

ராமநாதபுரம்: கீழக்கரையில் முன்னாள் இந்து முன்னணி பிரமுகர் கத்தியால் குத்தி கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ராமநாதபுரம் மாவட்டம் கீழக்கரை அருகே உள்ள தட்டான் தோப்பு பகுதியைச் சேர்ந்தவர் தவசிமுனி (52). இவர் முன்னாள் இந்து முன்னணி நிர்வாக மற்றும் அகில இந்திய மீனவ பேரவை நிர்வாகியாக உள்ளார். இவருக்கும் அதே பகுதியைச் சேர்ந்த அவரது உறவினர் சேகர் என்பவருக்கும் முன்விரோதம் இருந்துவந்துள்ளது.

இந்நிலையில், இன்று (நவம்பர். 10) சேகர் தவசி முனியை கத்தியால் குத்தியுள்ளார். இதில் நிலைகுலைந்து கீழே விழுந்த அவரை அருகில் இருந்தவர்கள் மீட்டு கீழக்கரை மருத்துவமனைக்கு கொண்டு சென்றனர்.

அங்கு அவருக்கு முதலுதவி அளிக்கப்பட்டு ராமநாதபுரம் அரசு மருத்துவனைக்கு அனுப்பிவைத்தனர். ஆனால் செல்லும் வழியிலேயே அவர் உயிரிழந்தார். இதையடுத்து அவரின் உடல் உடற்கூராய்வுக்காக வைக்கப்பட்டுள்ளது. இதையடுத்து காவல் துறையினர் இது குறித்து விசாரணை மேற்கொண்டு வருகின்றனர்.

இதையும் படிங்க: