‘தமிழர்களின் வேலை தமிழர்களுக்கே’ - மாணவர்கள் போராட்டம்

புதுக்கோட்டை: அகில இந்திய மகாத்மா காந்தி சமூகப் பேரவை சார்பில் தமிழர்களுக்கான வேலையை தமிழர்களுக்கு வழங்கக் கோரி மாணவர்கள் பலர் போராட்டம் நடத்தி வருகின்றனர்.

தமிழ்நாடு அரசுப் பணியாளர் தேர்வாணையம் நடத்தும் டிஎன்பிஎஸ்சி தேர்வில் தமிழ் மொழி சார்ந்த 100 கேள்விகள் இடம் பெற்றிருந்த நிலையில், தற்போதைய புதிய விதிமுறைகளின்படி டிஎன்பிஎஸ்சி முதல்நிலை தேர்வுகளில் தமிழ் மொழி சார்ந்த கேள்விகள் நீக்கப்பட்டுள்ளது. இதனால் அதிர்ச்சியடைந்த மாணவர்கள் இதனை அரசு மறுபரிசீலனை செய்ய வேண்டும் என்று கோரிக்கை விடுத்துவருகின்றனர்.

புதுக்கோட்டையில் அகில இந்திய மகாத்மா காந்தி சமூகப் பேரவை சார்பில் 300க்கும் மேற்பட்ட பட்டதாரி மாணவ மாணவிகள் டிஎன்பிஎஸ்சி தேர்வில் தமிழ் மொழி நீக்கப்பட்டதற்கு கண்டனம் தெரிவித்தும் மீண்டும் தமிழ் மொழி சார்ந்த கேள்விகளைக் கேட்க வலியுறுத்தியும் உண்ணாவிரதப் போராட்டத்தில் ஈடுபட்டனர்.

தமிழ்நாட்டில் தமிழர்களுக்கான வேலையை தமிழர்களுக்கு வழங்கக்கோரியும் இதை ஏற்றுக் கொள்ளாத பட்சத்தில் மாநிலம் முழுவதுமுள்ள மாணவர்கள் ஒன்றிணைந்து வலிமையான போராட்டங்களில் ஈடுபட உள்ளதாகவும் அவர்கள் தெரிவித்தனர்.

இதையும் படியுங்க: