புதுக்கோட்டை மாவட்டம் இலுப்பூர் அருகே உள்ள வேம்பனூரைச் சேர்ந்தவர் சக்திவேல். இவரது மனைவி கருப்பாயி (26). நிறைமாத கர்ப்பிணியான இவருக்கு நேற்று பிரசவ வலி ஏற்பட்டுள்ளதால், 108 ஆம்புலன்ஸிற்கு தகவல் தெரிவிக்கப்பட்டது.
ஆம்புலன்சிலேயே பெண்ணுக்கு பிரசவம்!
புதுக்கோட்டை: இலுப்பூர் அருகே மருத்துவமனைக்கு ஆம்புலன்ஸில் கொண்டு செல்லும் வழியிலேயே நிறைமாத கர்ப்பிணிப் பெண்ணுக்கு குழந்தை பிறந்தது.
iluppur
தகவல் அறிந்து சென்ற 108 ஆம்புலன்ஸ் கருப்பாயியை ஏற்றிக்கொண்டு இலுப்பூர் அரசு மருத்துவமனைக்கு சென்றது. ஆனால், கொண்டு செல்லும் வழியிலேயே பிரசவ வலியால் கருப்பாயி துடித்துள்ளார். பின்னர் சிறிது நேரத்தில் ஆம்புலன்சிலேயே அவருக்கு ஆண்குழந்தை பிறந்தது. ஆம்புலன்ஸ் ஊழியர்கள் அவசர சிகிச்சை நிபுணர் பரமசிவம், பைலட் கணேசமூர்த்தி ஆகியோர் பிரசவம் பார்த்தனர்.
இதையடுத்து தாயும்-சேயும், இலுப்பூர் அரசு மருந்துவமனையில் சேர்க்கப்பட்டனர். பின்பு அவர்களை பரிசோதித்த மருத்துவர்கள் தாயும் சேயும் நலமுடன் இருப்பதாகத் தெரிவித்தனர். இதையடுத்து ஆம்புலன்ஸ் ஊழியர்கள் இருவரையும் அப்பகுதி பொதுமக்கள் பாராட்டினர்.