இருசக்கர வாகனம் மீது டிப்பர் லாரி மோதி விபத்து - மூதாட்டி உயிரிழப்பு!

புதுக்கோட்டை: ஏனாதி அருகே டிப்பர் லாரியும் இருசக்கர வாகனமும் மோதிக்கொண்ட விபத்தில் மூதாட்டி ஒருவர் பலியான சம்பவம் அப்பகுதியில் சோகத்தை ஏற்படுத்தியுள்ளது.

புதுக்கோட்டை மாவட்டம் பொன்னமராவதி பெரியார் நகரைச் சேந்தவர் கணேசன். இவரது மனைவி அழகியும் இவரும் மேலைச்சிவபுரியில் ஒரு கட்டிட வேலைக்குச் சென்றுவிட்டு, இன்று மாலை இருசக்கர வாகனத்தில் வீடு திரும்பியுள்ளனர்.

இந்நிலையில், இவர்கள் ஏனாதி பேருந்து நிறுத்தம் அருகே சென்று கொண்டிருக்கும் போது, எதிரே அதிவேகமாக வந்த டிப்பர் லாரி மோதி விபத்துக்குள்ளானது. இந்த விபத்தில் படுகாயமடைந்த அழகி சம்பவ இடத்திலேயே உயிரிழந்தார். இதையடுத்து விபத்தில் படுகாயமடைந்த கணேசனை அருகிலிருந்தவர்கள் மீட்டு மருத்துவமனைக்கு அழைத்துச் சென்றுள்ளனர்.

தகவலறிந்து சம்பவ இடத்திற்கு வந்த பொன்னமராவதி காவல் துறையினர், இறந்தவரின் உடலை மீட்டு உடற்கூறாய்வுக்காக அரசு மருத்துவமனைக்கு அனுப்பி வைத்துள்ளனர். மேலும் இவ்விபத்து குறித்து வழக்குப்பதிவு செய்த காவல் துறையினர், விசாரணை மேற்கொண்டு வருகின்றனர்.

இதையும் படிங்க: பணியிலிருந்த செவிலியர் தற்கொலை! காரணம் என்ன?