மின் கம்பியை மிதித்து கோயில் பூசாரி உயிரிழப்பு!

புதுக்கோட்டை: அன்னவாசல் அருகே வயலில் அறுந்து கிடந்த மின் கம்பியை மிதித்ததில் கோயில் பூசாரி சம்பவ இடத்திலேயே உயிரிழந்தார்.

புதுக்கோட்டை மாவட்டம் அன்னவாசல் அருகே உள்ள சேந்தமங்கலத்தைச் சேர்ந்தவர் பொப்பன்(60). இவர், அப்பகுதி அம்மன் கோயிலில் பூசாரியாக உள்ளார். இவர் இன்று காலை அப்பகுதியில் உள்ள வயலுக்குச் சென்றுள்ளார்.

அப்போது, எதிர்பாராதவிதமாக அங்கு அறுந்து கிடந்த மின்கம்பியை மிதித்ததில் சம்பவ இடத்திலேயே பரிதாபமாக உயிரிழந்தார். அதேபோல், வயல்வெளிக்கு இரை தேடிச் சென்ற பசுமாடும் மின் கம்பியை மிதித்து உயிரிழந்தது.

அன்னவாசல் பகுதியில் கோடை மழையின் காரணமாக மின் கம்பி அறுந்து விழுந்திருக்கலாம் என்றும் தகவல் கிடைக்காததால் அந்த மின் கம்பத்தின் மின் விநியோகத்தை நிறுத்திவைக்க முடியவில்லை என மின் வாரியத்தினர் தரப்பில் கூறப்படுகிறது.

இதையும் படிங்க: மின்வேலியில் சிக்கி இளைஞர் உயிரிழப்பு!