புதுக்கோட்டை கைத்தறி நெசவு ஆடைகளைக் கொண்ட முக்கனி கோ- ஆப்டெக்ஸ் விற்பனை நிலையத்தில் தீபாவளி சிறப்பு விற்பனையினை மாவட்ட ஆட்சித்தலைவர் உமா மகேஸ்வரி துவங்கி வைத்தார்.
பின் இதுகுறித்துப் பேசிய மாவட்ட ஆட்சித்தலைவர் உமாமகேஸ்வரி; 'தமிழ்நாடு அரசின் கூட்டுறவு நிறுவனமான கோ-ஆப்டெக்ஸ் கடந்த 84 ஆண்டுகளாக தமிழ்நாடு கைத்தறி நெசவாளர்கள் உற்பத்தி செய்யும் இரகங்களை கொள்முதல் செய்து இந்தியா முழுவதும் உள்ள கோ-ஆப்டெக்ஸ் விற்பனை நிலையங்கள் மூலமாக விற்பனை செய்து நெசவாளர்களுக்கு பேருதவி புரிந்து வருகிறது.
துணிகளைப் பார்வையிட்ட மாவட்ட ஆட்சியர் உமாமகேஸ்வரி கோ-ஆப்டெக்ஸ் நிறுவனம் தனது வாடிக்கையாளர்கள் பயன்பெரும் வகையில் ஆண்டுதோறும் தீபாவளி பண்டிகையின் போது தமிழ்நாடு அரசு வழங்கும் 30 சதவீதம் தள்ளுபடி விற்பனைத் திட்டத்தை நடைமுறைப்படுத்தி வருகிறது.
மேலும், கோ-ஆப்டெக்ஸ் நிறுவனம், 'கனவு நனவு திட்டம்' என்ற சேமிப்புத் திட்டத்தினை செயல்படுத்தி வருகிறது. இதன்படி 11 மாத சந்தா தொகை வாடிக்கையாளரிடமிருந்து பெற்று, 12ஆவது மாத சந்தா தொகையை கோ-ஆப்டெக்ஸ் செலுத்தி, மொத்த முதிர்வு தொகைக்கு தேவைப்படும் துணிகளை 30 சதவீதம் அரசு தள்ளுபடியுடன் வழங்கி வருகிறது.
புதுக்கோட்டை முக்கனி விற்பனை நிலையத்தில் கடந்த ஆண்டு தீபாவளிப் பண்டிகையின் போது ரூ.90.19 லட்சம் விற்பனை செய்யப்பட்டது. இந்த ஆண்டு தீபாவளிக்கு ரூ.1.25 கோடி விற்பனை செய்ய இலக்கு நிர்ணயிக்கப்பட்டுள்ளது. எனவே, பொதுமக்கள் அனைவரும் கோ-ஆப்டெக்ஸில் தங்களுக்குத் தேவையான துணிகள் வாங்கி நெசவாளர் முன்னேற்றத்திற்கு துணை புரிய வேண்டும்' என்றார்.
இதையும் படிங்க : அவதூறு பரப்புபவர்கள் மீது கடும் நடவடிக்கை: நீலகிரி ஆட்சியர் எச்சரிக்கை
