காய்கறிகளை விற்பனை செய்த வாகனம் குப்பைகளை ஏற்றிச் செல்லும் வாகனமா?

புதுக்கோட்டை: பொதுமக்கள் இருப்பிடத்திற்கே காய்கறிகளைக் கொண்டு விற்பனை செய்ய பயன்படுத்தப்படும் நகராட்சி வாகனம் குப்பைகளை ஏற்றிச் செல்லும் வாகனம் என சமூக வலைதளங்களில் பரப்பப்படும் தகவல் தவறனாது என அறந்தாங்கி நகராட்சி ஆணையர் தெரிவித்துள்ளார்.

புதுக்கோட்டை மாவட்டம் அறந்தாங்கி நகராட்சியில் ஏற்கனவே குப்பை அள்ளுவதற்கு 4 லாரிகள் மற்றும் பேட்டரியில் இயங்கும் 10க்கும் மேற்பட்ட வாகனங்கள் பயன்படுத்தப்பட்டு வருகின்றன. தற்போது பிறப்பிக்கப்பட்ட ஊரடங்கால் வீடுகளுக்குள் முடங்கியுள்ள பொதுமக்களுக்கு நேரடியாக காய்கறிகள் கிடைக்கும் விதமாக நடமாடும் காய்கறி வாகனங்களை தமிழ்நாடு அரசு ஏற்பாடு செய்துள்ளது.

அதன்படி அறந்தாங்கி நகராட்சி சார்பில், 5 வாகனங்கள் ஏற்பாடு செய்யப்பட்டன. அதில் 4 வாடகை வாகனங்களும் ஒரு நகராட்சி வாகனமும் பயன்படுத்தபட்டன. அந்த நகராட்சி வாகனம் குப்பைகளை ஏற்றிச்செல்லும் வாகனம் என சமூக வலைதளங்களில் தவறான தகவல் பரப்பப்பட்டது. இந்த தகவலுக்கு மறுப்பு தெரிவித்த அறந்தாங்கி நகராட்சி ஆணையர்(பொறுப்பு) முத்துகணேஷ், கரோனா வைரஸ் தொற்று காரணமாக ஊரடங்கு உத்தரவு அமலில் உள்ளது.

நடமாடும் காய்கறி விற்பனைக்கு நகராட்சி வாகனம் பயன்படுத்தப்பட்டது. அந்த வாகனம் அம்மா உணவகத்திற்கு பொருட்கள் கொண்டுவருவதற்காக பயன்படுத்தப்பட்டது. அறந்தாங்கி நகராட்சிக்கு களங்கம் ஏற்படுத்தும் விதமாக சமூக வலைதளங்களில் சிலர் குப்பை அள்ளும் வாகனத்தில் காய்கறிகள் விற்பனை செய்வதாக தவறான தகவலைப் பரப்பி வருகின்றனர்.

இந்த தகவல் முற்றிலும் தவறானது. மாற்று பணிகளுக்கு பயன்படுத்திய வாகனம்தான் பயன்படுத்தப்பட்டது. ஆகையால், இது போன்ற தவறான தகவலை மக்கள் நம்ப வேண்டாம்" எனக் கூறியுள்ளார்.

இதையும் படிங்க:நோய் எதிர்ப்புச் சக்தியைப் பெருக்கும் 6 வகை பழங்கள் அடங்கிய தொகுப்பு விற்பனைத் தொடக்கம்!