புதுக்கோட்டை மாவட்டத்தில் இன்று வேட்புமனு தாக்கல் செய்தவர்களின் மனுக்கள் அனைத்தும் பரிசீலனை செய்யப்பட்டது. இதில் வேட்பாளர்கள் அனைவரும் வரவழைக்கப்பட்டு மனுதாக்கல் செய்தவர்களின் அனைத்து தகவல்களும் சரியாக உள்ளதா? எனக் கேட்டு உறுதிசெய்யப்பட்டு இறுதியாக சம்மதமும் பெறப்பட்டது.
இதனால் ஊராட்சி ஒன்றிய அலுவலகம் முன்பு ஏராளமானோர் திரண்டனர். அப்போது, அங்கு காவல் துறையினர் கூடுதல் பாதுகாப்பில் ஈடுபட்டனர். புதுக்கோட்டையில் உள்ளாட்சித் தேர்தலை முன்னிட்டு ஊராட்சி மன்ற உறுப்பினர் பதவிக்கு 9291 மனுக்களும் ஊராட்சி மன்ற தலைவர் பதவிக்கு 2988 மனுக்களும் ஊராட்சி ஒன்றியக் குழு உறுப்பினர் பதவிக்கு 1505 மனுக்களும் மாவட்ட ஊராட்சி குழு உறுப்பினர் பதவிக்கு 181 மனுக்களும் பெறப்பட்டுள்ளன.
ஊராட்சி ஒன்றிய அலுவலகம்